Шматслоўныя дэбаты ў Інтэрнэце проста заводзяць у тупік. Gorad.by «пагугліў» і сабраў довады прыхільнікаў і праціўнікаў кальянапалення.
Ці шкодны кальян?
| Прыхільнікі:
|
Праціўнікі:
|
| Кальян — бяспечная альтэрнатыва цыгарэтам. Ён не выклікае прывыкання, а курыльная сумесь для кальяна змяшчае менш шкодных рэчываў, чым цыгарэтны тытунь. Акрамя таго, дым пры паленні кальяна фільтруецца праз ваду, таму большасць шкодных рэчываў не даходзяць да лёгкіх, а халодны дым не абпальвае дыхальныя шляхі.
|
Як і любое курэнне, курэнне кальяна з-за прысутнасці ў тытуні нікатыну і смол аказвае шкоду для здароўя. Тытунь для кальянаў — гэта тытунь, з усімі гадасцямі, якія ў яго ўваходзяць. Хай і высушаны асаблівым чынам і вымачаны ў фруктовай патацы.
Цыгарэты вырабляюцца па вызначаным стандарту, і іх шкоду ацаніць лягчэй: усё пракантралявана і напісана на пачку. А на кальян стандарту няма. Тытунь не паддаецца стандартызацыі, утрыманне нікаціну, смол і цяжкіх металаў у ім значна больш, чым у цыгарэтных гатунках.
|
Толк ад фільтравання вадой
| Прыхільнікі: | Праціўнікі: |
| Па дадзеных даследаванняў вада адфільтроўвае ад 70% да 90% нікаціну. Дым пасля фільтравання складаецца на 80% з вадзянога пару. | Пасля фільтравання застаецца яшчэ больш за 50% смол. Акрамя таго, яшчэ каля 10% шкодных рэчываў асядае на сценках шахты і ў трубцы. Курцы кальяна спажываюць вялікія колькасці таксінаў, так як ўвільготнены тытунёвы дым ўдыхаюць глыбей, а працэс курэння можа працягвацца некалькі гадзін. |
Паленне кальяна не выклікае залежнасці
| Прыхільнікі:
|
Праціўнікі:
|
| Не. Людзі, якія кураць цыгарэты, паляць ад 5 і больш цыгарэт у дзень, у той час як нават самыя адчайныя курцы кальяна, паляць яго радзей, чым штодзень. Можна моцна захапіцца кальянам, як модным забаўкай, аднак фізіялагічнай прыхільнасці у курцоў не ўзнікае.
|
Дым ад кальяна змяшчае значны ўзровень нікаціну, які выклікае прывыканне да тытуню. Утрыманне нікаціну складае адпаведна 2% — 4% супраць 1% — 3% у цыгарэтах. Таксама можна адзначыць сацыяльную залежнасць ад кальяна, якую можна параўнаць з залежнасцю ад кавы, якую часта п’юць не з-за кафеіну, а з-за магчымасці пагутарыць за кубкам кавы.
|
Пасіўнае курэнне кальяна не наносіць шкоды
| Прыхільнікі:
|
Праціўнікі:
|
| Ад самога кальяна дым практычна не ідзе, у адрозненне ад дымлівай цыгарэты, якая вырабляе ільвіную долю шкоды ад пасіўнага курэння. Да таго ж тэмпература гарэння тытуню ў кальянаў рэдка дасягае нават 200 градусаў па Цэльсіі, у адрозненне ад 900 градусаў у цыгарэце. У сувязі з гэтым кальянны дым складаецца прыкладна з 142 элементаў, у той час як цыгарэтны — з больш, чым 4700. Кальянный дым, значна хутчэй раствараецца ў паветры.
|
Пасіўныя курцы засвойваюць ад 11% да 59% шкодных рэчываў ад пасіўнага курэння кальяна.
|
Погляд спецыяліста
Як зазначыла gorad.by намеснік галоўнага ўрача УЗ «Установа аховы здароўя Магілёўскай вобласці наркалагічны дыспансэр» Таццяна Шаміліна, любы від палення – шкодны для арганізму:
Разам з араматызатарамі часцей за ўсё кальян запраўляюць табаком. Вядома ж, таму ўзнікае тытунёвая залежнасць
— Пры курэнні кальяна ў арганізм паступаюць непатрэбныя для яго элементы, якія прыносяць шкоду,і, ў першую чаргу, закранаюцца дыхальныя шляхі.
Што датычацца залежнасці ад кальяна: яна ўзнікае ад тых рэчаў, якімі запраўлены кальян. Разам з араматызатарамі часцей за ўсё кальян запраўляюць табаком. Вядома ж, таму ўзнікае тытунёвая залежнасць.
— Глабальных даследванняў аб шкодзе, якую прыносіць кальянакурэнне, не праводзілася, таму складана сказаць канкрэтна на якія ворганы і як паўплывае кальянкурэнне. Аднак, нельга казаць, што паліць кальян – гэта бясшкодна, адзначыла Таццяна Шаміліна.
Адна рэч – тры сцвяржэння
• Па дадзеных Сусветнай Арганізацыі Аховы здароўя (СААЗ), шкода ад адной гадзіны курэння кальяна перавышае шкоду ад скурвання 100 цыгарэт.
• За адзін сеанс курэння кальяну арганізм чалавека атрымлівае прыкладна тую ж дозу нікаціну, што і пры паленні двух цыгарэт.
• Гадзіна курэння кальяна адным чалавекам прыкладна роўная паленню адной цыгарэты.
Калі вы ўсё ж ЗА кальян, карыстайцеся наступнымі парадамі для мінімізацыі шкоды:
• Выкарыстоўвайце для кальяна толькі якасны тытунь, на якім ёсць склад. Адмоўцеся ад выкарыстання хімічнага хуткараспальваемага вуглю. Аддайце перавагу драўлянаму.
• Сачыце за тым, каб тытунь не перагараў і своечасова змяняйце яго пры неабходнасці.
• Не паліце занадта часта.
• Не паліце ў прысутнасці дзяцей і цяжарных жанчын.
• Пры паленні кальяна выкарыстоўвайце індывідуальныя зменныя муштукі.
• Не налівайце ў колбу спіртныя напоі і не сумяшчайце курэнне кальяна з ужываннем алкаголю.
• Рэгулярна (у ідэале кожны раз пасля курэння) чысціце шахту і колбу спецыяльным ёршыкам. Калі пры апрацоўцы шахты не варта выкарыстоўваць мыйныя сродкі, то пры мыцці колбы і кубка — гэта вітаецца. Сачыце, каб пасля кожнага прамывання кальян цалкам просох.
Нельга сказаць, што шкода кальяна больш або менш шкоды цыгарэт — яна проста іншая. Паліць або не паліць кальян — вырашаць вам.
З выкарыстаннем матэрыялаў strana-sovetov.com
