Студэнтам: літаратурны конкурс «Брама мар»

Творчая лабараторыя «Крытык» (журфак БДУ) прапануе паўдзельнічай у літаратурым конкурсе «Брама мар».

Творчая лабараторыя «Крытык» (журфак БДУ) гасцінна адчыняе электронную скрыню для прац маладых літаратараў – студэнтаў з усіх куткоў беларускіх ВНУ.

Арганізатары конкурса: творчая лабараторыя «Крытык», кафедра літаратурна-мастацкай крытыкі Інстытута журналістыкі БДУ, Інстытут журналістыкі БДУ.

Даслаць работы трэба да 1 снежня 2011 года. Конкурс пройдзе ў два туры.

1 тур

Падчас першага тура студэнты дасылаюць творы, наведваюць творчыя вечарыны майстроў слова, а журы ў складзе вядомых літаратараў вызначае фіналістаў у кожнай намінацыі.

2 тур

Падчас другога туру фіналісты атрымаюць літаратурныя заданні і бліжэй пазнаёмяцца адно з адным ды з арганізатарамі конкурсу.

Абвяшчэнне пераможцы

Нарэшце, фінальная імпрэза «Літаратурныя каляды на журфаку» дасць канкурсантам магчымасць пагутарыць з адукатарамі ў нефармальных умовах, а таксама даведацца, хто ўсе ж такі перамог.

 

Намінацыі

«Проза»

«Паэзія»

«Крытыка»

«Драматургія»

«Творы для дзяцей»

«Сцэнар»

Патрабаванні:

Гарнітура Times New Roman, кегль 14 пт, інтэрвал адзінарны, усе палі — 2 см.
Працы прадстаўляюцца на конкурс у электронным фармаце ў графічным рэдактары Wоrd.

На самай першай старонцы (можна зрабіць і ў асобным файле) удзельнік павінен пазначыць:
1. Імя і прозвішча
2. Намінацыю
3. Навучальную ўстанову, факультэт і спецыяльнасць
4. Узрост
5. Назву працы (ці ўсіх прац), якая дасылаецца на конкурс
6. Па жаданні можна размясціць кароткую біяграфію і фота.

Памеры тэкстаў (без прабелаў)
Не болей за:

«Проза» – 15 тысяч сімвалаў;

«Паэзія» – 3,5 тысяч сімвалаў;

«Крытыка» – 7 тысяч сімвалаў;

«Драматургія» – 10 тысяч сімвалаў (дадатковая ўмова намінацыі: будуць прынятыя толькі аднаактовыя п’есы).

Асаблівасці

Тэксты намінацыі «Творы для дзяцей» могуць быць прадстаўлены ў любым з азначаных жанраў; аб’ём тэксту вызначаецца жанрам і лімітуецца прыведзенымі вышэй лічбамі.

Намінацыя «Сцэнар» праводзіцца сумесна з часопісам «На экранах» і рэгулюецца асобным Палажэннем, якое рассылаецца канкурсантам пры заяўцы на адпаведную намінацыю.

Куды дасылаць творы

Творы можна высылаць на адрас brama_mar@tut.by