Семінар–практыкум па вязанні кручком і стварэнні карцін на ткацкім станку пройдзе ў Магілёве

Майстар-клас для магілёўцаў адбудзецца 29-30 лістапада ў абласным метадычным Цэнтры народнай творчасці.

Тэхнікай стварэння карцін на ткацкім станку і сакрэтамі вязання карункаў кручком падзеліцца сябра Беларускага саюза майстроў народнай творчасці Алена Саўчанка, паведамляе tv2.by.

Гэта апошняе сёлетняе мерапрыемства праекта «Чароўны куфар», які мае мэту захавання і развіцця традыцыйных відаў рамёстваў на Магілёўшчыне.

Дзе і калі

Двухдзённы семінар–практыкум пройдзе 29-30 лістапада ў абласным метадычным Цэнтры народнай творчасці (вуліца Першамайская, 10).

Запрашаюцца на яго выкладчыкі школ, кіраўнікі гурткоў устаноў культуры і ўсе зацікаўленыя. Пачатак у 10:00.