Штогод больш за 100 тысяч беларусак становяцца мамамі

У Беларусі 14 кастрычніка — Дзень маці. Гэта свята ў Беларусі адзначаецца з 1996 года.

Па паданню, у 910 годзе ў Ерусаліме адбылося цудоўнае аб’яўленне Маці Божай. Падчас набажэнства людзі ўбачылі ў небе Божую Маці, якая нібы накрыла ўсіх людзей, якія маліліся шырокім белым пакрывалам, абараняючы іх, быццам сваіх дзяцей.

Ва ўсіх праваслаўных цэрквах 14 кастрычніка праходзіць ўрачыстае богаслужэнне ў гонар свята, які называецца Пакроў Прасвятой Багародзіцы.

Колькі жанчын і мам у Беларусі

Па дадзеных Белстата, на сённяшні дзень ў Беларусі пражывае 5,1 мільёна жанчын — гэта 53,5% ад агульнай колькасці насельніцтва.

Кожны год больш за 100 тысяч беларусак становяцца мамамі. Згодна з беларускай афіцыйнай статыстыкай, каля 70% дзяцей у Беларусі маці нараджаюць ва ўзросце 20-29 гадоў.

Дзень маці ў Магілёве

Напярэдадні 14 кастычніка ў Магілёве праходзіць тыдзень Маці. Ва ўстановах адукацыі, культуры і працоўных калектывах Магілёўскага раёна праходзяць мерапрыемствы, прысвечаныя Дню маці. МУС праводзіць акцыю «Сям’я! Служым разам!». У органах унутраных спраў, злучэннях і часцях унутраных войскаў пройдуць сустрэчы з маці супрацоўнікаў і ваеннаслужачых.

Ва ўстановах культуры адкрываюцца тэматычныя конкурсы дзіцячага малюнка, віншавальнай паштоўкі, а таксама кніжныя выставы, літаратурна-мастацкія мерапрыемствы.

Дзень маці ў іншых краінах

У ЗША і Аўстраліі існуе традыцыя насіць у дзень Маці на вопратцы кветкі гваздзікі. Прычым колер мае значэнне, бо каляровая гваздзік мае значэнне «маці чалавека жывая», а белыя кветкі прышпільваць да адзежы ў памяць аб маці, якая пайшла з жыцця.

Падарыце маці ўвагу!

Часта занадта позна мы заўважаем, што ўсё, чаго мы дамагліся ў жыцці, атрымалася дзякуючы маме. Яе цёпламу, ненадакучліваму, часам проста непрыметнаму ўдзелу. Ніхто ў жыцці не любіць нас так, як мама… Так што, не забудзьце павіншаваць сваю маму! І памятайце, штодзённая ўвага да яе – таксама не будзе залішняй.