Меркаванне: ахова помнікаў у Магілёве нікому не патрэбная

Пры гэтым, абароны ў горадзе патрабуюць не толькі помнікі архітэктуры, але і глеба.

— Ахова помнікаў не патрэбна ні грамадскасці, ні журналістам, ні чыноўнікам, таму горад страчвае сваю гістарычную спадчыну, — лічыць старшыня магілёўскай суполкі Таварыства Беларускай Мовы (ТБМ) імя Скарыны і экскурсавод Алег Дзьячкоў.

У міжнародны Дзень аховы помнікаў і памятных месцаў, які адзначаецца 18 красавіка, gorad.by звярнуўся да Алега, каб ён узгадаў апошнія перамогі і страты ў працы па захаванні гісторыка-культурнай спадчыны горада.

Найбольш востра стаіць праблема з аховай будынкаў.

— Дом №15 па вуліцы Лазарэнка (Віленскай) выключылі са спіса гістарычных каштоўнасцей і прадалі. Пачаліся будаўнічыя работы, а праз час высвятліся, што знікла пліта 1910 года, — распавядае gorad.by Алег Дзячкоў.

Аварыйныя будынкі, якія не падлягаюць рамонту, зносяць. Так, гэтай зімой быў знесены будынак XVIII-XIX стагоддзя па вуліцы Вароўскага, 9.

З нядаўніх прыкладаў няўважлівага стаўлення да глебы, грамадскі актывіст узгадвае, як на гарадскім суботніку ў Падніколлі пашкодзілі культурны слой глыбінёй каля двух метраў і рэшткі старых будынкаў старажытнага скляпення (руск. подвала).

Таксама пры пабудове царквы ў парку Горкага быў пашкоджаны культурніцкі слой (5-6 метраў), там заўжды было шмат археалагічных знаходак падчас раскопак.

Алег Дзьячкоў узгадаў і перамогі. У 2012 годзе актывісты ТБМ разам з добраахвотным таварыствам аховы помнікаў гісторыі і культуры крытычна адрэагавалі на ідэю пабудаваць каля магілёўскага гандлёвага цэнтру «Магніт» дадатковую прыбудову. Калі б праект быў рэалізаваны, то архітэктурнай дамінантай тут стаў бы не будынак былога пазямельнага банка і будынак былога дваранскага сходу, а гандлёвы цэнтр. У дадатак, пры будаўніцтве маглі б быць нанесеныя пашкоджанні помнікам архітэктуры.

Раней, у 2011 годзе, гараждане не аддалі пад пабудову офіснага будынка пустуючае месца паміж этнаграфічным музеем і будынкам філармоніі. Тут да сярэдзіны 50-х знаходзіўся езуіцкі касцёл Святога Ксаверыя, які калі-небудзь можа быць адноўлены.


Па тэме чытаюць

«Быхаўскі» рынак: рэканструкцыя альбо перанос

Старажытную пабудову на Лепешынскага ў Магілёве знеслі

У Магілёве стала менш помнікаў архтэктуры

Гістарычны цэнтр Магілёва: нама помніка – няма праблемы

Антон Астаповіч: аднавіць стары Магілёў можна за смешныя для бюджэта грошы

Помнікі і гістарычныя мясціны: што і як варта ахоўваць ў Магілёве

Невялікая прагулка па Магілёву: з сучаснасці ў мінулае

Што пабудавалі і зруйнавалі ў Магілёве за апошнія 300 год